Басты бет » Мектеп туралы

Мектеп тарихы


 

Қызылорда облысының дене шынықтыру және спорт басқармасының облыстық жоғары спорт шеберлігі мектебінің тарихы

  

 

Қызылорда облысының әкімдігінің «Қызылорда облысының туризм дене шынықтыру және спорт басқармасының Қызылорда облысының  жоғары спорт шеберлігі мектебі» мемлекеттік мекемесін құру туралы 2010 жылдың 30 желтоқсанындағы №986 қаулысына сәйкес, 2011 жылдың 13 қаңтарында Қызылорда облысының Жоғары спорт шеберлігі мектебі ашылды.

 

Мектеп ғимараты 1980 жылы пайдалануға берілген.

 

Мектеп спорт түрлерінен Қазақстан Республикасының ұлттық құрама командасының мүшелерін және үміткерлерін, халықаралық деңгейде жоғары білікті спортшыларды дайындайды. Өз құрамында спорттық жетілдіру мен жоғары спорт шеберлігі топтары жасақталған.

 

Мектеп ғимаратында мамандандырылған бүгінгі заманауи талаптарға сай жабдықталған:  540 ш.м. (30х18м) құрайтын дзюдо залы, 288 ш.м. (24х12м) құрайтын кикбоксинг залы, 162 ш.м. (9х18м) ауыр атлетика залы, 162 ш.м. (9х18м) стенд ату залдарын құрайды.

 

2011 жылы ЖСШМ-де 14 спорт түрі (ауыр атлетика, дзюдо, бокс, грек-рим күресі, еркін күрес, таеквондо, гандбол, көгалдағы хоккей, велоспорт, каратэ-до, кикбоксинг, қазақ күресі, тоғызқұмалақ, жеңіл атлетика) жұмыс істеді.

 

Мектепте 2012 жылы Стенд ату, байдарка және каноэде есу бөлімшелері және 2015 жылдан бастап мүгедектер спорты бойынша үш бөлімше ашылды, олар: пауэрлифтинг, жеңіл атлетика және отырып ойнау волейболы.

 

2020 жылы жоғары спорт шеберлігі мектебінің ауласына 450 ш.м. (30х15 м) шағын спорт алаңы пайдалануға берілді.  Жалпы дене дайындығына қажетті тренажерлар және арнайы стритбол алаңы орналастырылған.

 

Қазіргі таңда мектепте 14 (ауыр атлетика, дзюдо, бокс, грек-рим күресі, еркін күрес, таеквондо, гандбол, велоспорт, каратэ-до, стенд ату, байдарка және каноэда есу, кикбоксинг, қазақ күресі, тоғызқұмалақ) спорт түрімен 200 спортшы, оның ішінде жоғары спорт шеберлігі 16 топта 75 спортшы, спорттық жетілдіру 16 топта 111 спортшы, ауыспалы құрамда 14 спортшы шұғылданады. Оның ішінде 11 олимпиадалық, 1 олимпиадалық емес, 2 ұлттық спорт түрлері.

 

Спорттық атақтары:

 

- Қазақстан Республикасының еңбек сіңірген спорт шебері -5 спортшы;

 

- халықаралық дәрежедегі спорт шебері – 29 спортшы;

 

- спорт шебері – 98 спортшы;

 

- спорт шеберлігіне кандидат – 68 спортшы. 

 

Мектептен Қазақстан Республикасының намысын халықаралық жарыстарда қорғаған көптеген жоғары дәрежелі спортшылар даярланды.

 

Атап айтқанда:

 

Ильин Илья  - ауыр атлетикадан ҚР-ның еңбек сіңірген спорт шебері, 4 дүркін Әлем чемпионы (2005, 2006, 2011, 2014ж.);

 

Утешов Алмас  - ауыр атлетикадан ҚР-ның еңбек сіңірген спорт шебері, Әлем чемпионатының күміс жүлдегері (2013 ж.), Азия ойындарының күміс жүлдегері (2014 ж.);

 

Зайчиков Александр - ауыр атлетикадан ҚР-ның еңбек сіңірген спорт шебері, ХХХІ жазғы Олимпиада ойындарының қола жүлдегері, (2016ж.), Әлем чемпионы (2015ж.);

 

Ниязбеков Даулет - еркін күрестен ҚР-ның еңбек сіңірген спорт шебері, ХХХ жазғы Олимпиада ойындарының қатысушысы (2012ж.), Әлем чемпионатының қол, күміс  жүлдегері (2011, 2019 ж.), Азия чемпионы (2015, 2016, 2018ж.);

 

Усербаев Ғалымжан - еркін күрестен ҚР ХДСШ, ХХХІ жазғы Олимпиада ойындарының қатысушысы (2016 ж.); Қарулы күштер арасында әлем чемпионы (2014 ж. );

 

Есбергенова Айнұр - таеквондодан ҚР СШ, ХХХІ жазғы Олимпиада ойындарының қатысушысы (2016ж.);

 

Қоңқабаев Қамшыбек - бокстан ҚР-ның еңбек сіңірген спорт шебері, Әлем чемпионатының күміс жүлдегері (2017, 2019ж), Азия чемпионатының күміс жүлдегері (2017, 2019 ж);

 

Елеусінов Хакімжан - тоғызқұмалақтан ҚР-ның еңбек сіңірген спорт шебері, Әлем чемпионы (2012, 2015, 2017ж);

 

Сұлтанғали Айдос - грек рим күресінен ҚР ХДСШ, Әлем чемпионатының қола жүлдегері (2018 ж);

 

Медетов Мерей - байдарка және каноэде есуден ҚР ХДСШ, Азия ойындарының қола жүлдегері (2018 ж);

 

Құлахмет Тұрсынбай - бокстан ҚР ХДСШ, Әлем чемпионатының қола жүлдегері (2019 ж), Азия чемпионы (2019 ж);

 

Абдрахманов Ғалымжан - қазақ күресінен ҚР ХДСШ, Әлем чемпионының екі дүркін чемпионы;

 

Сәлімгереев Нұрым - қазақ күресінен ҚР ХДСШ, Әлем чемпионы (2019 ж);

 

Жаңбырбай Мөлдір - каратэ додан ҚР ХДСШ, Әлем чемпионы (2016 ж);

 

Жауынтаев Бауыржан – дзюдодан ҚР ХДСШ, жасөспірімдер арасында әлем чемпионы (2013 ж), жасөспірімдер арасында олимпиада ойындарының жеңімпазы (2014 ж).

 

Шамшадин Мағжан – дзюдодан ҚРХДСШ, жастар арасында әлем чемпионы (2015 ж);

 

Кенжебек Ақерке – тоғызқұмалақтан ҚР ХДСШ, Әлем чемпионатының күміс жүлдегері (2019 ж.)

 

Бостандыков Бексұлтан – тоғызқұмалақтан ҚР ХДСШ, Әлем чемпионатының қола жүлдегері (2019 ж.)

 

Алтынбек Қожахмет – байдарка және каноэде есуден ҚР ХДСШ, жастар арасында әлем чемпионатының күміс жүлдегері (2018 ж.)

 

Бекболат Рахат- ауыр атлетикадан ҚР СШ, жастар арасында әлем чемпионы (2019 ж), Әлем кубогының иегері (2020 ж).